Azərbaycan cüdoçuları Portuqaliyada keçirilmiş Avropa kuboku yarışlarında səkkiz medal qazanmışlar VİDEO
Bakı, 14 aprel (AZƏRTAC). Portuqaliyanın Koimbre şəhərində yeniyetmələr arasında cüdo üzrə Avropa kuboku yarışları keçirilmişdir.
AZƏRTAC xəbər verir ki, milli komandamız yarışda 8 medal qazanmışdır. Turnirdə cüdoçularımız Kəramət Hüseynov (50 kq), Murad Heydərli (60 kq), Hidayət Heydərov (66 kq) və Leyla Əliyeva (48 kq) fəxri kürsünün ən yüksək pilləsinə qalxmışlar.
Natiq Qurbanlı (55 kq), Samir Ağayev (73 kq), Musa Şəkərəliyev (90 kq) gümüş, Nərminə Əhmədova (55 kq) isə bürünc medal qazanmışlar.
Ümumi komanda hesabında Azərbaycan millisi ikinci olmuşdur.
Bölmənin digər xəbərləri
