On yeddi tona yaxın narkotik xassəli çətənə kolu məhv edilib VİDEO
Bakı, 16 iyul (AZƏRTAC). Dövlət Sərhəd Xidmətinin (DSX) hərbi qulluqçuları tərəfindən sərhədboyu zonalarda həyata keçirilən rejim tədbirləri çərçivəsində iyunun 25-də Zaqatala rayonunun Muğanlı kəndinin Qaraçay çayı yaxınlığında ümumi çəkisi 5 ton 950 kiloqram olan 3966, iyulun 11-də isə rayonun Ağdamkələl kəndi istiqamətində Dindi dağı yaxınlığında ümumi çəkisi 10 ton 680 kiloqram olan 8900 narkotik xassəli çətənə kolu aşkar olunub.
Dövlət Sərhəd Xidmətinin mətbuat mərkəzindən AZƏRTAC-a bildiriblər ki, Zaqatala Rayon İcra Hakimiyyətinin ərazi üzrə nümayəndəliyinin, Daxili İşlər Nazirliyinin Zaqatala Rayon Polis Şöbəsinin və DSX əməkdaşlarının iştirakı ilə narkotik xassəli çətənə kolları yandırma üsulu ilə məhv edilib.
Bölmənin digər xəbərləri
