9 AYDA KOMPLEKS TƏFTİŞLƏR NƏTİCƏSİNDƏ 18 MİLYARD MANAT VƏSAİTİN QANUNSUZ XƏRCLƏNDİYİ AŞKAR EDİLMİŞDİR
Nazir Əvəz Ələkbərov AZƏRTAC-ın müxbirinə demişdir ki, bu təftişlər 18 rayonu, 3 dövlət universitetini, Standartlaşdırma, Metrologiya və Patent üzrə Dövlət Agentliyini, 12 dövlət təşkilatını, hüquq mühafizə orqanlarının qərarı ilə bir sıra özəl qurumları və s. əhatə etmişdir. Gəlir və xərclər təftiş edilərkən 18 milyard manat vəsaitin qanunsuz xərcləndiyi aşkar olunmuşdur. 7 təftişin nəticəsi tədbir görülmək üçün bilavasitə hüquq mühafizə orqanlarına göndərilmişdir. Göstərilən vəsaitin 3,3 milyard manatı təftiş dövründə müqəssir şəxslər tərəfindən ödənilmişdir.
İlin sonunadək daha 12 rayonda və 4-5 iri təşkilatda kompleks təftiş başa çatdırılacaqdır.
Bölmənin digər xəbərləri
