MƏDƏNİYYƏT


Azərbaycanlı rəssamın Londonda fərdi sərgisi açılacaq

Kiyev, 13 aprel, AZƏRTAC

Mayın sonlarında Londonda fərdi sərgimin açılışını planlaşdırıram.

Bu barədə AZƏRTAC-a açıqlamasında Azərbaycanın Əməkdar rəssamı Vüqar Muradov deyib. Onun sözlərinə görə, artıq sərginin keçirilməsi ilə bağlı hazırlıq işləri aparılır.

1989-cu ildən xaricdə – Vaşinqton, Tehran, Moskva, Paris, Lüksemburq və başqa ölkələrdə sərgilərinin açıldığını söyləyən rəssam Azərbaycan mədəniyyətinin dünyada tanıdılması istiqamətində işlərini davam etdirəcəyini bildirib.

“Bu gün Azərbaycan dövlətinin mədəniyyətə böyük qayğısı var. Ölkəmizin istedadlı rəssamları bu qayğıdan, diqqətdən qaynaqlanaraq Azərbaycan mədəniyyətini dünyada tanıdırlar”, - deyə rəssam əlavə edib.

 

Emil Hüseynli

AZƏRTAC-ın xüsusi müxbiri

Kiyev

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.