İQTİSADİYYAT


Gürcüstan iki ayda Azərbaycandan 6,6 milyon dollarlıq neft alıb

Tbilisi, 10 aprel, AZƏRTAC

Gürcüstan cari ilin yanvar-fevral aylarında 105,7 milyon ABŞ dolları dəyərində neft idxal edib.

AZƏRTAC xəbər verir ki, bu barədə Gürcüstan Milli Statistika Xidməti məlumat yayıb. Bildirilir ki, iki ayda alınmış neft keçən ilin eyni dövrü ilə müqayisədə 4,3 faiz çoxdur. Hsabat dövründə Gürcüstan ən çox Rusiyadan neft alıb. Rusiyadan alınan neftin həcmi 45 min 965 ton, dəyəri isə 26,7 milyon dollar olub.

Gürcüstanın neft məhsulları aldığı ölkələrin reytinqində Azərbaycan 5-ci yerdədir. Qonşu ölkə yanvar-fevral aylarında Azərbaycandan 6,6 milyon dollarlıq neft alıb. Bu da ötən ilin müvafiq dövrü ilə müqayisədə 45 faiz azdır. Gürcüstanın ən çox neft aldığı ölkələr sırasında Rumıniya (22,6 milyon dollar), Türkmənistan (19,3 milyon dollar), Bolqarıstan (9,8 milyon dollar), Türkiyə (6,5 milyon dollar) və digər ölkələr yer alıblar.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.