İDMAN


İngiltərə Premyer Liqası: "Liverpul" "Arsenal"ı böyük hesabla məğlub edib

Bakı, 29 dekabr, Nicat Məmmədov, AZƏRTAC

Dekabrın 29-da İngiltərə Premyer Liqasında 20-ci turun oyunları keçirilib.

AZƏRTAC xəbər verir ki, turun mərkəzi qarşılaşması "Enfild" stadionunda oynanılıb. Turnir cədvəlinin hazırkı lideri "Liverpul" doğma meydanda "Arsenal" komandasını qəbul edib. Görüş "merssisayd"lıların böyük hesablı qələbəsi ilə başa çatıb - 5:1.

Qarşılaşmada hesabı qonaqlar Maitland-Nilesin sahəsində açsa da, ardıcıl beş qol vuran "Liverpul" qələbəyə sevinən tərəf olub. Yurgen Klopun yetirmələrinin heyətində Roberto Firmino (3), Məhəmməd Salah və Sadio Mane fərqləniblər.

Turun gözlənilməz hesabı isə Londondakı "Uembli" stadionunda qeydə alınıb. Meydan sahibi "Tottenhem" doğma azarkeşlər önündə "Volverhampton" klubuna məğlub olub (1:3).

Turun digər oyunlarında aşağıdakı nəticələr qeydə alınıb:

“Brayton” – “Everton” – 1:0;

“Fulhem” – “Haddersfild” – 1:0;

“Lester Siti” – “Kardiff Siti” – 0:1;

“Votford” – “Nyukasl” – 0:1;

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.