DÜNYA


Polşa sakini ölkə tarixində ilk dəfə altı əkiz dünyaya gətirib

Bakı, 20 may, AZƏRTAC

Krakov klinikalarının birinin professoru Riçard Lauterbah şəhər sakininin altı əkiz dünyaya gətirdiyini bildirib.

AZƏRTAC RMF radiostansiyasına istinadla xəbər verir ki, həkimlərin sözlərinə görə, qadının bir dəfəyə dörd qızı və iki oğlu olub. Uşaqlarının hər birinin çəkisi təxminən bir kiloqramdır. Doğuş hamiləliyin 29-cu həftəsində qeysər kəsiyi vasitəsilə həyata keçirilib.

Hazırda ananın vəziyyəti qənaətbəxşdir. Bəzi körpələrə respirator dəstəyi lazım olsa da, uşaqların hamısı sağlam doğulub.

Polşa Prezidenti Anjey Duda hadisə ilə əlaqədar valideynləri və tibb işçilərini təbrik edib və bunun ölkə tarixində ilk dəfə müşahidə olunduğunu bildirib.

Qeyd edək ki, mart ayında ABŞ-ın Texas ştatının sakini doqquz dəqiqə ərzində üç cüt uşaq dünyaya gətirmişdi. Klinikadan verilən məlumata əsasən, altı əkiz uşağın doğulma şansı 4,7 milyardda birdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.