DÜNYA


Yaponiya aviaşirkəti yerdən ayrılmadan Havay adalarına səyahət təklif edir

Tokio, 4 aprel, AZƏRTAC 

Yaponiyanın “Japan Airlines” aviaşirkəti təyyarə ilə uçmadan, olduğunuz yerdən ayrılmadan Havay adalarına səyahət təklif edir.

AZƏRTAC xəbər verir ki, həmin şirkət tərəfindən hazırlanan virtual reallıq sistemi bu Sakit okean cənnətinə real səfər təəssüratı yaratmaqla səyahətçilərin seçiminə təsir göstərmək niyyətindədir.

Sistemdən istifadə edən gələcək səyyah qurğunun qaçış zolağına bənzəyən lenti üzərində addımlayaraq, geydiyi xüsusi eynək vasitəsilə Havay adalarındakı çimərliklərə və ya mağaralara “səyahət edir”.

Qurğu görüntüləri, eyni zamanda, buradakı çiçəklərin və torpağın iyini hiss etdirməklə nümayiş etdirir. Hətta monitorda şəlalə görünən zaman yaxınlıqdakı ventilyator işə düşərək, ətrafa kiçik su damcıları səpələyir ki, bu da səfər illüziyasına tam reallıq hissləri verir.

 

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.