İDMAN
"Bakı-2015": Kamandan oxatma yarışlarında ilk qızıl medal İtaliyanın hesabına yazılıb
![](/files/galleryphoto/2015/2/1200x630/14345574501185842496_1200x630.jpg)
![](/files/galleryphoto/2015/2/1200x630/14345574505232461169_1200x630.jpg)
![](/files/galleryphoto/2015/2/1200x630/14345574506117027559_1200x630.jpg)
![](/files/galleryphoto/2015/2/1200x630/14345574505044317912_1200x630.jpg)
![](/files/galleryphoto/2015/2/1200x630/14345574504447514896_1200x630.jpg)
![](/files/galleryphoto/2015/2/1200x630/1434557450340858873_1200x630.jpg)
![](/files/galleryphoto/2015/2/1200x630/14345574505825263114_1200x630.jpg)
![](/files/galleryphoto/2015/2/1200x630/14345574505824537393_1200x630.jpg)
![](/files/galleryphoto/2015/2/1200x630/14345574502049111637_1200x630.jpg)
![](/files/galleryphoto/2015/2/1200x630/14345574502459626897_1200x630.jpg)
![](/files/galleryphoto/2015/2/1200x630/14345574505342337095_1200x630.jpg)
![](/files/galleryphoto/2015/2/1200x630/14345574501312359261_1200x630.jpg)
![](/files/galleryphoto/2015/2/1200x630/14345574504552351088_1200x630.jpg)
![](/files/galleryphoto/2015/2/1200x630/1434557450292624127_1200x630.jpg)
![](/files/galleryphoto/2015/2/1200x630/14345574505818626130_1200x630.jpg)
Bakı, 17 iyun, C.Rüstəmov, S.İsgəndərova, AZƏRTAC
İyunun 17-də Tofiq Bəhramov adına Respublika Stadionunda "Bakı-2015" birinci Avropa Oyunlarının kamandan oxatma yarışlarının növbəti mərhələlərinə start verilib. Mübarizəyə qadınlar arasında komanda yarışlarının səkkizdəbir mərhələsindən başlanılıb.
AZƏRTAC xəbər verir ki, bu mərhələdə Azərbaycan-Almaniya, Belarus-İspaniya, Gürcüstan—Böyük Britaniya, Hollandiya-Ukrayna, İtaliya-Yunanıstan, Polşa-Danimarka, Fransa-Türkiyə, İsveçrə-Rusiya görüşləri keçirilib. Sərrast atışlardan sonra dörddəbir final mərhələsində iştirak edəcək komandalar məlum olub. Belə ki, iyunun 18-də Almaniya millisi Belarus, Gürcüstan yığması Ukrayna, İtaliya komandası Danimarka, Fransa kollektivi isə Rusiya ilə üz-üzə gələcək.
Kişilər arasında komanda yarışının dörddəbir mərhələsində qarşılaşacaq komandalar da müəyyənləşib. Səkkizdəbir mərhələnin yekun nəticələrinə əsasən, iyunun 18-də İspaniya-Belarus, Fransa-Almaniya, Ukrayna-İtaliya, Hollandiya-Rusiya yığmaları qarşılaşacaq.
"Bakı-2015"-də oxatma üzrə qarışıq komanda yarışlarının birincisi də müəyyənləşib. Finalda İtaliyanı təmsil edən Natalia Valeeva və Mauro Nespoli gürcüstanlı Xatuna Nərimanidze - Laşa Pxakadze cütlüyündən üstün olublar. Beləliklə, "Bakı-2015"-in kamandan oxatma yarışlarında ilk qızıl medal İtaliyanın hesabına yazılıb.
Bürünc medal uğrunda mübarizədə isə Ukrayna və Sloveniya atletləri üz-üzə gəliblər. Bu mübarizədə Lidiya Sıçenikova və Georgi İvanitski (Ukrayna) Sloveniyadan olan Ana Umer-Rok Bizjak cütlüyünə qalib gələrək bürünc medala sahib çıxıblar.
Sonra mükafatlandırma mərasimi keçirilib. Mükafatları Avropa Olimpiya Komitəsinin baş katibi Rafael Paqnozzi və Avropa Oxatma Federasiyasının vitse-prezidenti Vladimir Eşeyev təqdim ediblər.