"Udineze" komandası koronavirus infeksiyasına görə karantinə alınıb
Bakı, 6 yanvar, AZƏRTAC
İtaliyanın "Udineze" futbol klubu koronavirus infeksiyasına görə karantinə alınıb.
AZƏRTAC xəbər verir ki, bu barədə klubun rəsmi saytında məlumat yayıb.
Məlumatda qeyd edilib ki, klub rəhbərliyi bu qərarı koronavirusa yoluxanların sayının 9 nəfərə yüksəlməsindən sonra verib. Məcburi təcrid yanvarın 9-dək davam edəcək.
O da qeyd edilir ki, komanda A Seriyasına müvafiq olaraq, yanvarın 6-na və 9-na planlaşdırılan “Fiorentina” və “Atalanta”ya qarşı keçiriləcək görüşlərin təxirə salınması ilə bağlı sorğu göndərib.
Bölmənin digər xəbərləri
