Abonentlər smart-kart tipli qaz sayğaclarından istifadə edirlər
Ağsu, 2 avqust (AZƏRTAC). Ağsu rayonunda təbii qazdan istifadə olunan bütün mənzillərdə yeni sayğaclar quraşdırılır. Smart-kart tipli bu cür sayğaclar Fransanın “Qallus” firmasına məxsusdur. Quraşdırma işləri podratçı təşkilat olan “AzQUR” MMC tərəfindən həyata keçirilir.
Artıq 2500 sayğac quraşdırılmışdır. Payız-qış mövsümünədək bu iş başa çatdırılacaqdır.
Əhali tərəfindən smart-kartlara vəsaitin yüklənməsi məqsədilə Ağsu Qaz İstismar Sahəsinin inzibati binasında 2 ədəd “Paypoint” aparatı qoyulmuşdur. Yaxın vaxtlarda isə rayonda fəaliyyət göstərən banklarda və poçt şöbələrində bu cür aparatlar quraşdırılacaq, beləliklə də abonentlərə göstərilən xidmətin mədəni səviyyəsi daha da yüksələcəkdir.
Bölmənin digər xəbərləri
