ABŞ-AZƏRBAYCAN TƏHSİL MƏRKƏZİNİN YARADILMASININ BİRİNCİ İLDÖNÜMÜ QEYD EDİLMİŞDİR
ABŞ-ın respublikamızdakı müvəqqəti işlər vəkili xanım Karin Makklelland mərkəzin fəaliyyəti barədə məlumat vermiş, Azərbaycanda təhsilin inkişafına kömək göstərən təşkilatların xidmətlərini yüksək dəyərləndirmişdir.
Təhsil naziri Misir Mərdanov mərkəzlə əməkdaşlığın əhəmiyyətindən danışmış, təhsilimizin inkişafı üçün göstərdiyi köməyə görə ABŞ dövlətinə, xalqına təşəkkürünü bildirmişdir.
IREX, Procekt-Harmoni və digər təşkilatların Azərbaycan üzrə direktorları rəhbərlik etdikləri qurumların ölkəmizdə həyata keçirdikləri layihələrdən danışmışlar.
Xatırladaq ki, mərkəz ABŞ-da təhsil və mübadilə imkanlarına dəstək verir, bu ölkənin təhsili, mədəniyyəti haqqında məlumat yayır, respublikamızda kitabxanaların inkişafına və lazımi avadanlıqla təmin edilməsinə kömək göstərir, İnternetə çıxış yaradır.
Bölmənin digər xəbərləri
