ABŞ-DA TERRORİZMLƏ MÜBARİZƏ SAHƏSİNDƏ MİLLİ STRATEGİYA AÇIQLANMIŞDIR
RİA “Novosti” agentliyindən AZƏRTAC-a daxil olmuş xəbərdə deyilir ki, ABŞ prezidenti Corc Buş “Terrorizmlə mübarizə sahəsində milli strategiya”nı açıqlamışdır.
Sənədin mətbuatda dərc olunmasına dair bəyanatında Buş qeyd etmişdir ki, ABŞ “terror şəbəkələrinə zərbə endirmək, onların öz aralarında əlaqə saxlamaq və planları əlaqələndirmək imkanlarını azaltmaq, potensial müttəfiqlərindən və bir-birindən təcrid etmək, habelə terror aktı törədilənədək qəsdin üstünü açmaq və qarşısını almaq üçün dövlətin qüdrətinin bütün amillərindən və beynəlxalq nüfuzundan” istifadə edəcəkdir.
30 səhifəlik bu sənəddə ABŞ-ın terrorizmlə mübarizəyə münasibəti ifadə olunmuşdur. Burada terrorizmlə, terrorçularla, terror təşkilatları ilə mübarizə, onların bütün dünyada maliyyə mənbələrini kəsmək, həmçinin terrorizmin meydana çıxmasına səbəb olan siyasi və sosial-iqtisadi şəraiti aradan qaldırmaq işində bilavasitə güc amilinə üstünlük verilir.
Bölmənin digər xəbərləri
