Zelenski ilə Tramp arasında telefon danışığı olub
Kiyev, 14 iyun, AZƏRTAC
Ukrayna Prezidenti Volodimir Zelenski ilə ABŞ Prezidenti Donald Tramp arasında telefon danışığı olub.
AZƏRTAC-ın məlumatına görə, bu barədə jurnalistlərə Ukrayna Prezidentinin kommunikasiya üzrə müşaviri Dmitri Litvin məlumat verib.
Yarım saatdan çox davam edən söhbət zamanı Ukrayna lideri amerikalı həmkarını doğum günü münasibətilə təbrik edib. Danışıqlar zamanı, həmçinin Rusiya-Ukrayna münaqişəsinin nizamlanması prosesi də daxil olmaqla, digər mühüm mövzular ətrafında fikir mübadiləsi aparılıb.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
