ABŞ Litva ordusuna “Switchblade 600” hücum dronlarının ilk partiyasını tədarük edib
Bakı, 7 oktyabr, AZƏRTAC
ABŞ Litva ordusuna “Switchblade 600” hücum dronlarının ilk partiyasını çatdırıb.
AZƏRTAC TASS-a istinadla xəbər verir ki, Litva Müdafiə Nazirliyi bu barədə məlumat yayıb.
Nazir Robertas Kaunas açıqlamada bildirib: “Bu silahlar Litva ordusuna zirehli texnikalarla mübarizə aparmaq üçün yeni imkanlar verəcək, çəkindirmə və təhlükəsizliyi artıracaq”.
Alınan hücum dronlarının sayı dəqiqləşdirilməyib. “Switchblade 600” Litvaya Amerikanın “AeroVironment” şirkəti tərəfindən tədarük edilir.
Son üç ildə Vilnüs ABŞ-dən təxminən 2 milyard avro dəyərində silah və hərbi texnika alıb. Litva Baltikyanı ölkələr arasında Amerika silahlarının ən böyük sifarişçisidir.
ABŞ Prezidenti Donald Tramp oktyabrın 5-də Vilnüsün bu barədə təkliflər verməsindən sonra Litvada Amerika hərbi bazasının yaradılması ehtimalını “mütləq nəzərdən keçirəcəyini” bildirib.
Bölmənin digər xəbərləri
