ABŞ Hərbi Hava Qüvvələrinə məxsus döyüş təyyarəsi Cənubi Koreyada qəzaya uğrayıb
Bakı, 6 may, AZƏRTAC
ABŞ-a məxsus F-16 qırıcısı Koreya Respublikasında təlim uçuşu zamanı qəzaya uğrayıb.
AZƏRTAC xəbər verir ki, bu barədə CNN telekanalı ABŞ Hərbi Hava Qüvvələrinin Cənubi Koreya komandanlığına istinadən məlumat yayıb.
Qeyd edilib ki, qırıcı KXDR ilə sərhədə ən yaxın ABŞ Hərbi Hava Qüvvələri bazası olan Osan aviabazasının yaxınlığındakı kəndin ərazisinə düşüb. Pilot katapult edib və xəstəxanaya yerləşdirilib.
Qırıcının qəzaya uğramasının səbəbi hələlik məlum deyil. Hadisə ilə bağlı araşdırmalara başlanılıb.
Bölmənin digər xəbərləri
