ABŞ-ın Ədliyyə Nazirliyi Maykl Flinnə qarşı cinayət işinin dayandırıldığını bildirib
Vaşinqton, 8 may, AZƏRTAC
ABŞ-ın Ədliyyə Nazirliyi Prezidentin milli təhlükəsizlik üzrə keçmiş müşaviri Maykl Flinnə qarşı açılmış cinayət işinin dayandırıldığını bəyan edib. Cinayət işi Rusiyanın 2016-cı ildə ABŞ-da keçirilmiş seçkilərə müdaxiləsi və Trampın seçki qərargahı ilə Rusiya arasında mümkün əlaqələr barədə xüsusi prokuror Robert Müllerin araşdırması çərçivəsində başlamışdı.
AZƏRTAC xəbər verir ki, Ədliyyə Nazirliyi bütün fakt və halların hərtərəfli araşdırılmasının nəticələrinə dair qərarı əsaslandıraraq FTB-nin (Federal Tədqiqatlar Bürosu) başladığı məhkəməyə xitam verməyi qərara alıb.
Xatırladaq ki, Maykl Flinn 2017-ci ilin yanvar ayında Rusiyanın ABŞ-dakı keçmiş səfiri Sergey Kislyak ilə söhbəti barədə FTB-nun agentlərinə yalan danışdığını boynuna almışdı. Lakin Baş Prokurorluq nümayəndələrinin də bu faktda israr etməsinə baxmayaraq, məhkəmə işi dayandırmaq qərarına gəlib. Bir müddət sonra Flinn ifadəsini dəyişərək günahını etiraf etməkdən imtina edib.
AZƏRTAC-ın Vaşinqton bürosu
Bölmənin digər xəbərləri
