ABŞ şirkətinin təmsilçisi: Məqsədimiz sərgi sayəsində yerli şirkətlərlə əməkdaşlıq əlaqələri qurmaqdır
Bakı, 17 may, AZƏRTAC
Sərgi çox möhtəşəm təşkil olunub. Azərbaycan bazarında ilk dəfədir ki, məhsullarımızı nümayiş etdiririk. Məqsədimiz sərgi sayəsində yerli şirkətlərlə əməkdaşlıq əlaqələri qurmaqdır.
AZƏRTAC xəbər verir ki, bu barədə Bakı Ekspo Mərkəzində keçirilən “Caspian Agro” beynəlxalq sərgilərinin iştirakçısı, ABŞ-ın “NEXAS BIOMASS” şirkətinin layihə koordinatoru Terra Klark bildirib.
O qeyd edib ki, şirkətin məhsulu bambukla qarğıdalının birləşməsidir. GMO olmayan bu məhsul emal edilərək müxtəlif sahələrdə alternativ enerji kimi istifadə olunur: “Məhsul emal olunaraq başqa sahələrdə istifadə edilən məhsulları əvəz edir. Onu yanacağın, enerjinin alternativi də adlandırmaq olar. Bu məhsuldan hətta taxta lövhə də hazırlamaq mümkündür. Məhsulun özəlliyi ondadır ki, qeyri-münbit torpaq sahələrində də yetişdirmək mümkündür”, -deyə şirkət nümayəndəsi vurğulayıb.
Bölmənin digər xəbərləri
