ABŞ TARİXÇİSİ “ERMƏNİ SOYQIRIMI” YALANLARINI İFŞA ETMİŞDİR
ABŞ tarixçisi Guente Levi Birləşmiş Ştatların, Böyük Britaniya və Almaniyanın arxivlərində apardığı araşdırmalarında 1915-ci il hadisələri ilə bağlı erməni iddialarının yalan olduğu qənaətinə gəlmişdir.
AZƏRTAC Türkiyə mətbuatına istinadla xəbər verir ki, G.Levi 1915-ci il hadisələrindən bəhs edən kitab ilə bağlı ABŞ-ın Nyu-Cersi ştatında konfrans keçirmişdir.
“İngiltərə, Almaniya və ABŞ-ın arxivlərində araşdırma apardıqdan sonra belə nəticəyə gəldim ki, 1915-ci il hadisələri ilə bağlı erməni iddiaları yalandır”, - deyən Guente Levi bildirmişdir ki, I Dünya müharibəsi zamanı iqtisadi böhran baş alıb gedirdi. Osmanlı ordusunun 40 faizi xəstəlikdən və qıtlıqdan məhv olmuşdur. Osmanlı dövlətinin öz əsgərlərinin ehtiyacını ödəyə bilmədiyi bir dövrdə ermənilərin “Osmanlı bizə diqqət və qayğı göstərmirdi” - demələri əsassız və mənasızdır.
I Dünya müharibəsi zamanı İngiltərə, Fransa və Rusiya ordularında çoxlu sayda ermənilərin olduğunu qeyd edən G.Levi bildirmişdir ki, onlar orduda xidmət etdikləri dövrdə müstəqil dövlət qurmaq arzusuna düşmüşlər.
Bölmənin digər xəbərləri
