ACEAN üzvü olan ölkələr koreyalararası sammiti alqışlayıblar
Tokio, 28 aprel, AZƏRTAC
Cənub-Şərqi Asiya Dövlətləri Assosiasiyası (ACEAN) koreyalararası sammiti, bu ölkələr arasında barışıq üçün atılan addımları, həmçinin ABŞ və Şimali Koreya liderlərinin gözlənilən sammitini alqışladığını bildirib.
AZƏRTAC xəbər verir ki, aprelin 28-də Sinqapurda ACEAN üzvü olan 10 dövlətin iştirakı ilə keçirilmiş sammit sədrin bəyanatı ilə başa çatıb.
Sənəddə qeyd edilir ki, ACEAN ölkələri Koreya yarımadasının sülh yolu ilə tam və dönməz şəkildə nüvəsizləşdirilməsi üçün beynəlxalq səyləri dəstəkləyirlər.
Sinqapurun Baş naziri Li Syan Lun jurnalistlərə bildirib ki, ACEAN üzvü olan ölkələr Şimali Koreyaya mənəvi təzyiq göstərə bilərlər.
Bəyanatda, həmçinin bəzi liderlərin Cənub Çin dənizində ərazi mübahisələri ilə əlaqədar narahatlıqları da öz əksini tapıb. Belə ki, son zamanlar Çin həmin regionda fəallığını artırmaqdadır.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
