AĞCABƏDİDƏ AZƏRBAYCAN XALQ CÜMHURİYYƏTİNİN YARANMASININ 90 İLLİYİ QEYD OLUNMUŞDUR
AZƏRTAC xəbər verir ki, Azərbaycan Müəllimlər İnstitutunun Ağcabədi filialında Azərbaycan Xalq Cümhuriyyətinin yaranmasının 90 illiyinə həsr olunmuş elmi sessiya keçirilmişdir.
Tədbirdə filialın direktoru, professor Xaqani Məmmədov Azərbaycan Xalq Cümhuriyyətinin yaranması və onun həyata keçirdiyi tədbirlər, fəlsəfə elmləri namizədi Mahir Səlimov “Azərbaycan Xalq Cümhuriyyətinin beynəlxalq vəziyyəti və xarici siyasəti” mövzusunda məruzə ilə çıxış etmişlər.
Ağcabədi Pedaqoji Texnikumunda da Azərbaycan Xalq Cümhuriyyətinin yaranmasının 90 illiyinə həsr edilmiş tədbir keçirilmişdir.
Tədbir iştirakçıları əvvəlcə ümummilli lider Heydər Əliyevin büstü önünə gül-çiçək dəstələri düzmüş, ehtiramlarını bildirmişlər.
Texnikumun direktoru Vaqif Hüseynovun və digər müəllimlərin Azərbaycan Xalq Cümhuriyyətinin yaranmasının 90 illiyi mövzusunda məruzələri dinlənilmişdir.
Tədbir konsert proqramı ilə davam etdirilmişdir.
Bölmənin digər xəbərləri
