Ağdaş rayonunda “Sosial tərəfdaşların məşğulluq xidmətində rolu” mövzusunda tədbir keçirilmişdir
Ağdaş, 10 noyabr (AZƏRTAC). Ağdaş Rayon Məşğulluq Mərkəzinin təşkilatçılığı ilə “Sosial tərəfdaşların məşğulluq xidmətində rolu” mövzusunda tədbir keçirilmişdir.
AZƏRTAC xəbər verir ki, rayonda fəaliyyət göstərən idarə, müəssisə və təşkilatların nümayəndələrinin iştirakı ilə keçirilən toplantıda məşğulluq, əhalinin işlə təmin edilməsi, dövlət məşğulluq siyasətinin həyata keçirilməsində sosial tərəfdaşların hüquq və vəzifələri və s. məsələlər müzakirə olunmuşdur.
Qeyd edilmişdir ki, məşğulluq mərkəzi rayon əhalisinin işlə təmin olunmasını, məşğulluğun iqtisadiyyatın bütün sahələri üzrə bölgüsünü diqqət mərkəzində saxlayır.
Tədbirdə işə qəbul, işdən çıxanlar, ştatların ixtisarı, işədüzəltmə kimi məsələlərə aydınlıq gətirilmiş, bu sahədə işəgötürənlərin vəzifələri barədə məlumat verilmiş, hər il rayonda təşkil edilən əmək yarmarkalarının əhəmiyyətindən danışılmışdır.
Bölmənin digər xəbərləri
