Ağdaşda evdən oğurluq edən şəxs “isti izlər”lə tutulub
Bakı, 21 may, AZƏRTAC
Ağdaş Rayon Polis Şöbəsinə ərizə ilə müraciət edən qadın sakin anasına məxsus evdən 700 manat dəyərində ev əşyalarının oğurlandığı barədə məlumat verib.
Daxili İşlər Nazirliyinin mətbuat xidmətinin Şəki regional qrupundan AZƏRTAC-a bildiriblər ki, daxil olmuş məlumat əsasında Ağdaş Rayon Polis Şöbəsinin əməkdaşlarının “isti izlər”lə keçirdikləri əməliyyat-axtarış tədbirləri nəticəsində oğurluğu törədən şəxsin Ağdaş şəhər sakini 38 yaşlı Əfqan Yaqublu olduğu müəyyən edilib. O, şübhəli şəxs qismində saxlanılaraq rayon polis şöbəsinə gətirilib.
Faktla bağlı cinayət işi başlanılıb, istintaq davam etdirilir.
Bölmənin digər xəbərləri
