AĞDAŞDA ÜMUMİ DAXİLİ MƏHSUL İSTEHSALI ARTMIŞDIR
Ağdaş rayon statistika idarəsindən AZƏRTAC-ın müxbirinə bildirmişlər ki, 2006-cı il xüsusilə torpaq mülkiyyətçiləri üçün uğurlu olmuş, onlar bitkiçilikdə yüksək məhsuldarlıq əldə etmişlər. İl ərzində 12 min 373 hektar sahədən 38 min 355 ton taxıl biçilmişdir ki, bu da inişilkindən 1350 ton çoxdur.
Əlverişsiz hava şəraitinə baxmayaraq, rayonda 1558 ton pambıq, 16 min 399 ton meyvə, 10 min 940 ton şəkər çuğunduru istehsal edilmişdir.
Hesabat dövründə 14 min 464 ton qarğıdalı, 943 ton çəltik, 8436 ton kartof, 43 min 408 ton tərəvəz, 18 min 260 ton bostan bitkiləri, 60 min 144 ton yem, diri çəkidə 8951 ton ət, 28 min 234 litr süd, 8 milyon ədəd yumurta və 120 ton yun istehsal olunmuşdur.
2007-ci il yanvarın 1-dək qaramalın sayı 66 min 723 başa, davarın sayı 83 min 145 başa, quşların sayı isə 253 min 849-a çatdırılmışdır.
Bölmənin digər xəbərləri
