Ağdaşın 5 kəndində modul tipli məktəblər quraşdırılır
Ağdaş, 1 may, Şahnəzər Bəşirov, AZƏRTAC
Ağdaş rayonunda azkomplektli və qəzalı vəziyyətdə olan kənd məktəblərinin modul tipli məktəblərlə əvəzlənməsi prosesi uğurla davam etdirilir.
AZƏRTAC-ın bölgə müxbiri xəbər verir ki, hazırda rayonun Yenikənd, Pirəyir, Dovudlu, Qumlaq və Aşağı Zeynəddin kəndlərində modul tipli yeni məktəblər quraşdırılır. Bu məktəblər sinif və müəllimlər otağı, sanitar qovşaq, istilik sistemi ilə təmin ediləcək.
Qeyd edək ki, Prezident İlham Əliyevin müvafiq sərəncamına uyğun olaraq 2018-ci ildə rayonun Xınaxlı, Bulaqotağı, Malay, Binələr və Əmirmahmud kəndlərində də yeni modul tipli məktəblərin quraşdırılması həyata keçiriləcək.
Bölmənin digər xəbərləri
