Ağsuda sənaye məhsulları istehsalı 27,6 faiz artıb
Ağsu, 10 yanvar, AZƏRTAC
Ağsu rayonunda 2018-ci ildə 7 milyon 529 min manatlıq sənaye məhsulları istehsal edilib və xidmətlər göstərilib.
Rayon Statistika İdarəsindən AZƏRTAC-ın bölgə müxbirinə bildirilib ki, istehsal olunan sənaye məhsulları və göstərilən xidmətlər 2017-ci ilə nisbətən 1 milyon 628 min manat və ya 27,6 faiz çoxdur.
Qeyd edək ki, bölgələrin sosial-iqtisadi inkişafına göstərilən dövlət dəstəyi, sahibkarlar üçün yaradılan əlverişli şərait aqrar rayon olan Ağsuda iqtisadiyyatın şaxələndirilməsinə, o cümlədən sənayenin inkişafına güclü təkan verir. Təsadüfi deyil ki, rayonda fəaliyyət göstərən “Az Granata” MMC-nin Ağsu şirə və şərab emalı zavodu, “Qradus-40” MMC, “Alprint” MMC və digər sənaye müəssisələri öz fəaliyyətlərini ildən-ilə genişləndirirlər.
Bölmənin digər xəbərləri
