AĞSUDA ÜMUMMİLLİ LİDER HEYDƏR ƏLİYEVİN 85 İLLİYİNƏ HƏSR OLUNMUŞ ÜMUMRAYON İMƏCİLİYİ KEÇİRİLMİŞDİR
AZƏRTAC xəbər verir ki, ulu öndərimiz Heydər Əliyevin 85 illik yubileyini yaddaqalan tədbirlərlə qeyd edən ağsulular aprelin 25-26-da ümumrayon iməciliyi keçirmişlər.
Ağsu şəhərində və digər yaşayış məntəqələrində keçirilən iməciliklərdə 5 mindən çox sakin iştirak etmişdir.
İməcilikdə şəhərin şimal-şərq hissəsində salınan Heydər Əliyev seyrəngahında 200-dən çox şam ağacı, M.Ə.Rəsulzadə küçəsindən Bakı-Şamaxı-Yevlax magistral yolunadək 1500, ayrı-ayrı ərazilərdə daha 500 müxtəlif növ ağaclar əkilmişdir. Küçələrdə təmizlik işləri aparılmış, divarlar və səkilər ağardılmış, Azərbaycan küçəsində 35 işiq dirəyi basdırılmışdır.
Kəndlərdə də küçə və yol kənarlarında, inzibati binaların ətrafında səliqə-səhman yaradılmılş, yüzlərlə ağac əkilmişdir.
