ALİ VƏ ORTA İXTİSAS MƏKTƏBLƏRİNƏ ƏRİZƏ QƏBULU BAŞA ÇATMIŞDIR
Tələbə Qəbulu üzrə Dövlət Komissiyasından (TQDK) AZƏRTAC-a bildirmişlər ki, mayın 31-də 2008-2009-cu tədris ili üçün orta təhsil bazasından (11 illik) Azərbaycan Respublikasının ali və orta ixtisas məktəblərinə ərizə qəbulu başa çatmışdır.
Martın 31-dən etibarən 2 ay ərzində TQDK-nın serverinə 119 min 766 “Elektron ərizə” daxil olmuşdur.
Sənəd qəbulu komissiyalarında 116 min 434 abituriyent “Elektron ərizə”sini təsdiq etdirmişdir (2007-ci ildə 103 min 367 ərizə təqdim olunmuşdu).
Xüsusi qabiliyyət tələb edən ixtisasları seçən abituriyentlərdən 6 min 95 nəfəri qabiliyyət imtahanı komissiyalarında qeydiyyatdan keçmişdir.
I ixtisas qrupu üzrə imtahanlarda iştirak etmək üçün 36 min 914, II ixtisas qrupu üzrə 21 min 822, III ixtisas qrupu üzrə 40 min 539, IV ixtisas qrupu üzrə 17 min 159 abituriyent “Elektron ərizə”sini təsdiq etdirmişdir.
Abituriyentlərin 71 min 974 nəfəri orta məktəbi bu il bitirəcəkdir.
Bölmənin digər xəbərləri
