ALMANİYADA “MƏSCİDLƏRİN AÇIQ QAPI GÜNÜ” KEÇİRİLMİŞDİR
AZƏRTAC-ın xüsusi müxbiri xəbər verir ki, Almaniyanın müxtəlif bölgələrində “Müsəlman məscidlərinin açıq qapı günü. Müsəlmanlar təhlükəsizlik məsələlərində layiqli tərəfdaşdır” devizi altında səkkizinci kütləvi mərasim keçirilmişdir. Almaniyadakı Müsəlmanların Mərkəzi Şurası, Almaniya Katolik və Lüteran Kilsələr Birliyinin ümumi razılaşması və təklifi ilə həmin günlər Almaniyadakı 120-dən artıq məscid, islam mərkəzləri və ümumi dini ibadət yerləri öz qapılarını digər millətlərin, dini məfkurə sahiblərinin və dindarların, lüteran və katoliklərin üzünə açmışlar. İki gün davam etmiş tədbirdə islam məscidləri və mərkəzlərində digər dini məfkurəli insanlar ibadətlərə qatılmış, islamın mütərəqqi ideyaları, milli-mənəvi dəyərləri ilə yaxından tanış olmuşlar. Bütün xalqların, millətlərin dinindən, dilindən asılı olmayaraq, mehriban ailə şəraitində yaşamasında, bir-birinin sevincinə, kədərinə şərik çıxmasında və digər mənəvi, əxlaqi dəyərlərin qorunmasında dinin və din xadimlərinin rolu yüksək qiymətləndirilmişdir.
Bölmənin digər xəbərləri
