Almanların 62 faizi Tramp prezident seçiləcəyi təqdirdə ikitərəfli münasibətlərin pisləşəcəyini düşünür
Berlin, 13 oktyabr, AZƏRTAC
Almanların 62 faizi Donald Tramp prezident seçiləcəyi təqdirdə ABŞ ilə əlaqələrin pisləşəcəyini düşünür.
AZƏRTAC yerli mediaya istinadla xəbər verir ki, Alman Mətbuat Agentliyinin (DPA) təşəbbüsü ilə aparılan rəy sorğusunda iştirak edən respondentlərin cəmi 10 faizi "Respublikaçılar"ın namizədi Tramp qalib gələrsə Almaniya-ABŞ münasibətlərinin inkişaf edəcəyinə inanır. Rəyi soruşulanların 19 faizi münasibətlərin indiki səviyyədə qalacağını düşünür.
Bunda başqa, respondentlərin 9 faizi "Demokrat" partiyasının namizədi Kamala Harrisin prezident seçkilərində qalib gələcəyi təqdirdə münasibətlərin pisləşəcəyini hesab edir. Rəyi soruşulanların 35 faizi ikitərəfli münasibətlərin daha da inkişaf edəcəyini, 44 faizi isə eyni səviyyədə qalacağını düşünür.
Berlin
Bölmənin digər xəbərləri
