ALMATI TEATRINDA BEYNƏLXALQ OPERA FESTİVALI
adına Almatı Dövlət Opera və Balet teatrında “Dünya opera klassiklərinin şedevrləri” adlı beynəlxalq opera festivalı keçirilmişdir. Festivalda P.İ.Çaykovskinin “Qaratoxmaq qadın” , Ş.Qnonun “Faust”, C.Verdinin “Aida”, C.Puççininin “Çio-Çio -san”, A.Şubanov və A.Xamidinin “Abay” operaları göstərilmişdir. Festivalda göstərilən beş əsərdən üçünün - “Qaratoxmaq qadın”, “Faus” və “Aida” operalarının quruluşçu rejisoru Azərbaycanın və Özbəkistanın xalq artisti, dövlət mükafatı laureatı Firudin Səfərovdur.
Anşlaqla keçən tamaşalara Almatı ictimaiyyəti böyük maraq göstərmişdir. Xarici səfirliklərin, beynəlxalq təşkilatların nümayəndələri, Azərbaycan diasporunun üzvləri də tamaşalara həvəslə baxmışlar.
Teatrın direktoru Xuanış Urazqaliyev AZƏRTAC-ın müxbiri ilə söhbətdə demişdir: -Biz çox şadıq ki, tanınmış opera rejissoru Firudin Səfərov bizim təklifimizi qəbul etdi. İndi bizim teatrın baş rejissoru F.Səfərovdur. Elə bu festivalın keçirilməsi ideyası da onundur. Bir təşkilatçı və rejissor kimi ondan çox razıyıq. Əminəm ki, bizim əlbir işimiz öz bəhrəsini verəcəkdir.
Qulu Kəngərli
AZƏRTAC-ın xüsusi müxbiri
Almatı
Bölmənin digər xəbərləri
