ALMATIDA BEYNƏLXALQ NEFT VƏ QAZ SƏRGİSİ KEÇİRİLMİŞDİR
Sərgi çərçivəsində keçirilən konfransda bildirilmişdir ki, hazırda 50 milyon tondan çox neft çıxaran Qazaxıstanda yaxın 10 il ərzində hasilatı üç dəfə artırmaq nəzərdə tutulur. 1991-ci ildən 2001-ci ilədək Qazaxıstan iqtisadiyyatına qoyulan sərmayələrin 40 faizi neft –qaz kompleksinə yönəldilmişdir. 2020-ci ilədək Qazaxıstanın neft-qaz layihələrinə 67 milyard dollar sərmayə qoyulacağı gözlənilir.
“QazMunayQaz” milli şirkətinin nümayəndəsi S.Esimbəyov bildirmişdir ki, Qazaxıstan neftinin Aktau-Bakı-Tbilisi-Ceyhan əsas ixrac neft kəməri ilə nəqlinin normativ-hüquqi bazası üzərində iş gedir. Hazırda bu məsələ ilə bağlı hökumətlərarası sazişin mətni iştirakçı tərəflərlə razılaşdırılır.
Bölmənin digər xəbərləri
