Alonso yüksək səviyyəli komandada Formula 1 yürüşünə qayıtmağa hazırdır
Bakı, 6 mart, AZƏRTAC
2018-ci il mövsümündən sonra çıxışlarını başa vurmuş Formula 1 yarışları üzrə ikiqat dünya çempionu Fernando Alonso etiraf edib ki, yenidən yürüşlərdə iştirak edəcəyini istisna etmir.
AZƏRTAC xəbər verir ki, ispan pilot yüksək səviyyəli komandada çıxış etmək şansı olacağı təqdirdə, Formula 1-də iştirakına davam edə biləcəyini əlavə edib. “Marca” saytı pilotun aşağıdakı sözlərini sitat gətirib: “Planetin ən sürətli bolidlərinin olduğu Formula 1 yürüşlərindən ötrü həmişə darıxırsan. Bu səbəbdən düşünürəm ki, qələbə qazanmaq imkanı verəcək lider komandaların birində çıxış etmək şansı yarandığı təqdirdə həmişə “hə” demək lazımdır. Bununla yanaşı, mənim üçün 2019-cu ildə İndianapolisdə keçiriləcək yürüş prioritet olacaq. Bilirəm ki, bu yürüş “Üçlü tac” qazanmaq şansı verən ən mürəkkəb yarışlardan biridir”.
Bölmənin digər xəbərləri
