AMEA-nın Zoologiya İnstitutunda Gənc Alim və Mütəxəssislər Şurasının təsis yığıncağı keçirilmişdir
Bakı, 13 noyabr (AZƏRTAC). Azərbaycan Milli Elmlər Akademiyasının (AMEA) Zoologiya İnstitutunda Gənc Alim və Mütəxəssislər Şurasının təsis yığıncağı keçirilmişdir.
Akademiyadan AZƏRTAC-a bildirmişlər ki, tədbirdə institutun direktoru, AMEA-nın müxbir üzvü İlham Ələkbərov müəssisənin fəaliyyəti, qrant layihələri, gənclərin ixtisasartımı ilə bağlı görülən işlər haqqında məlumat vermişdir. O, son illər gənclərin beynəlxalq konfrans və treninqlərdə daha yüksək fəallığının müşahidə olunduğunu söyləmişdir.
AMEA Rəyasət Heyətinin Gənc Alim və Mütəxəssislər Şurasının yaradılmasına dair qəbul olunmuş qərar haqqında məlumat verən biologiya üzrə fəlsəfə doktoru Səbinə Bünyatova şuranın yaradılmasının əhəmiyyətindən, məqsəd və vəzifələrindən danışmışdır.
Sonra institutun yeni yaradılacaq Gənc Alim və Mütəxəssislər Şurasına namizədliyi irəli sürülən gənclər səsvermə yolu ilə üzv seçilmişlər.
Tərkibi 13 nəfərdən ibarət olmaqla Gənc Alim və Mütəxəssislər Şurasının sədri Səbinə Bünyatova, sədr müavini Fuad Rzayev seçilmişlər.
Bölmənin digər xəbərləri
