Amerika Gəmiçilik Bürosu növbəti 5 il üçün ASCO-ya sertifikat verib
Bakı, 29 yanvar, AZƏRTAC
Nüfuzlu təsnifat cəmiyyətlərindən olan Amerika Gəmiçilik Bürosunun “Azərbaycan Xəzər Dəniz Gəmiçiliyi” QSC-də (ASCO) apardığı audit yekunlaşıb.
ASCO-dan AZƏRTAC-a bildirilib ki, aidiyyəti departamentlərdə və müxtəlif gəmilərdə aparılan audit nəticəsində Gəmiçilikdə keyfiyyət, sağlamlıq, əməyin təhlükəsizliyi, ətraf mühitin mühafizəsi və enerji səmərəliliyi sahələrinə dair tətbiq edilən İnteqrasiya olunmuş İdarəetmə Sisteminin (İİS) ISO beynəlxalq idarəetmə standartlarına uyğunluğu təsdiqlənib. Nəticədə Təsnifat Cəmiyyəti ASCO-ya növbəti 5 il üçün sertifikat təqdim edib.
Qeyd edək ki, ISO 9001-2008 (Keyfiyyətin idarə edilməsi), ISO 14001-2004 (Ekoloji menecment), ISO 50001-2011 (Enerji səmərəliliyi menecmenti) və OHSAS 18001-2007 (Peşə təhlükəsizliyi və əməyin mühafizəsinin idarə edilməsi) beynəlxalq idarəetmə standartlarının tələblərinə uyğun olaraq, ASCO üçün keyfiyyət, sağlamlıq, əməyin təhlükəsizliyi, ətraf mühitin mühafizəsi və enerji səmərəliliyi sahələrinə dair İnteqrasiya olunmuş İdarəetmə Sistemi işlənib və gəmilərdə tətbiq olunub.
Bölmənin digər xəbərləri
