Anadolu agentliyinin yaradılmasının 99-cu ildönümü qeyd olunub
Bakı, 6 aprel, AZƏRTAC
AZƏRTAC-ın yaxın tərəfdaşı olan və onunla eyni ildə fəaliyyətə başlamış Türkiyənin Anadolu rəsmi informasiya agentliyinin yaradılmasının 99-cu ildönümü qeyd olunub.
AZƏRTAC xəbər verir ki, agentliyin baş direktoru Şenol Kazancı başda olmaqla bütün kollektivi əlamətdar gün münasibətilə Türkiyə Cümhuriyyətinin qurucusu Mustafa Kamal Atatürkün mavzoleyini ziyarət ediblər.
İldönümü münasibətilə keçirilən toplantıda bildirilib ki, qlobal miqyasda fəaliyyətini genişləndirən agentliyin xarici ölkələrdəki bürolarının sayı 43-ə çatıb. Əsası 1920-ci ildə qoyulmuş Anadolu agentliyi dünyanın ən nüfuzlu və etibarlı xəbər mənbələrindən biridir. Agentlik dünyanın 100-dən çox ölkəsindən 13 dildə operativ xəbərlər yayır. Bundan başqa, Anadolu agentliyi orta hesabla hər gün 1600 xəbər, 2300 fotomaterial, 400 videoinformasiya yayır.
Bölmənin digər xəbərləri
