Angela Merkel: Hətta Pasxada belə təhlükəni yaddan çıxarmaq olmaz
Berlin, 27 aprel, AZƏRTAC
Bu həftənin çərşənbə günü Almaniya federal hökuməti bəzi məhdudiyyətlərin götürülməsinə dair məsələyə baxmağa hazırlaşır.
AZƏRTAC xəbər verir ki, bununla belə kansler Angela Merkel bu vəziyyətdən arxayınlaşmamaq barədə xəbərdarlıq edib.
O, Almaniya sakinlərinə müraciətində qeyd edib ki, hətta Pasxada belə karantin və ehtiyat tədbirlərini yaddan çıxarmaq olmaz. Əks halda insanlar intizam və özünütəcrid sayəsində əldə olunanları bayramlar zamanı alt-üst edə bilərlər.
Kansler deyib ki, epidemiyanın artımına imkan verməmək üçün hətta bayramlarda belə özünütəcrid qaydalarına riayət etmək lazımdır. Onun sözlərinə görə, vaksin tapılmayanadək virus təhlükə kimi qalmaqda davam edəcək. Həmin dövrədək isə bəşəriyyət yalnız evdə qalmaqla özünü təhlükədən qoruya bilər.
Vüqar Seyidov
AZƏRTAC-ın xüsusi müxbiri
Berlin
Bölmənin digər xəbərləri
