Annalena Berbok: Avropa Ukraynaya dəstəyini azaltmayacaq
Bakı, 13 noyabr, AZƏRTAC
Avropa Ukraynaya dəstəyini azaltmaq niyyətində deyil, əksinə onu genişləndirməyi planlaşdırır.
AZƏRTAC xəbər verir ki, Almaniyanın xarici işlər naziri Annalena Berbok bu barədə Avropa İttifaqındakı həmkarları ilə görüşə gəldiyi Brüsseldə deyib.
Bir müddət öncə “Bild” qəzeti Almaniya hökumətinin gələn il Ukraynaya hərbi yardımı 4 milyard avrodan 8 milyard avroya çatdıracağı barədə məlumat yayıb. Noyabrın əvvəlində Almaniya Kiyevə daha 25 ədəd “Leopard 1A5” tankı göndərəcəyini bəyan edib. Ukraynaya tədarük olunacaq yeni silah partiyasında kəşfiyyat PUA-ları və radarlar da var.
Berlin son altı ayda Kiyevə 24 milyard avro həcmində humanitar, maliyyə və hərbi yardım edib.
Bölmənin digər xəbərləri
