APRELİN 28-İ DÜNYA ƏMƏYİN MÜHAFİZƏSİ GÜNÜDÜR
Beynəlxalq Əmək Təşkilatının (BƏT) hesablamalarına görə, hər il 2 milyon adam istehsalat prosesində baş verən qəzalardan və peşə xəstəliklərindən dünyasını dəyişir. 270 milyon nəfər isə müxtəlif dərəcəli bədən xəsarəti alır.
Yuxarıdakı rəqəmlər göstərir ki, belə hadisələrin qarşısının vaxtında alınmaması iqtisadi itkilərə və insanların əzab-iztirabına səbəb olur. Azərbaycan Respublikası Dövlət Sosial Müdafiə Fondunun da üzv olduğu Beynəlxalq Sosial Təminat Asossasiyası (BSTA) bu il, ilk dəfə olaraq, BƏT-lə birlikdə bu günlə bağlı birgə tədbirlər həyata keçirir.
BSTA hesab edir ki, təhlükəsizliyin yüksək səviyyədə təşkili və sağlamlığın qorunması mədəniyyətinin artırılması ilə bu itkilərin qarşısını almaq mümkündür. Bu məqsədlə BSTA-nın 2004-cü il sentyabrın 12-18-də Pekində keçirilən 28-ci Baş Assambleyasında “Asbest haqqında Bəyannamə” qəbul olunmuşdur. Bununla, BSTA bütün ölkələrdə zərərli mineral olan asbestin istehsalına, ticarətinə və istifadəsinə mümkün qədər tez qadağan qoyulmasını tövsiyə etmişdir.
Bölmənin digər xəbərləri
