AQUPDK-nın şöbə müdiri: Mühafizə orderlərinin sayında 2 dəfə artım müşahidə olunub
Bakı, 22 fevral, AZƏRTAC
Ailə Qadın və Uşaq Problemləri üzrə Dövlət Komitəsinə (AQUPDK) müraciətlər müəyyən səlahiyyətləri olan yerli icra hakimiyyətlərinə göndərilir. Məişət zorakılığından zərər çəkmiş şəxsin təhlükəsizliyini təmin etmək üçün ilkin olaraq yerli icra hakimiyyəti orqanları tərəfindən onlara 24 saatlıq mühafizə orderi verilir. Mühafizənin icrasına nəzarəti Ədliyyə Nazirliyinin şöbələri həyata keçirirlər.
AZƏRTAC xəbər verir ki, bu sözləri jurnalistlərə müsahibəsində AQUPDK-nın şöbə müdiri Taliyə İbrahimova deyib.
O bildirib ki, bugünkü tədbir qadınlara zorakılığa qarşı beynəlxalq standartlarla bağlı Avropa Şurasının dəstəyi reallaşan layihənin müzakirəsidir. Həmin layihə çərçivəsində məişət zorakılığından zərər çəkmiş şəxslərin müdafiəsi istiqamətində çox mühüm məsələ - mühafizə orderi ilə bağlı araşdırma aparılıb və izahat hazırlanıb. Statistikaya əsasən mühafizə orderlərinin sayında 2 dəfə artım müşahidə olunub. Belə ki, 146 mühafizə orderinin 46-sı Ailə, Qadın və Uşaq Problemləri üzrə Dövlət Komitəsinə daxil olan müraciətlərin nəticəsi olaraq icra hakimiyyəti orqanları tərəfindən verilib. Qalan 100 mühafizə orderini isə vətəndaş özü bilavasitə icra hakimiyyətlərinə müraciət etməklə əldə edib.
Bölmənin digər xəbərləri
