Aralıq dənizini keçməyə cəhd edən hər 45 qaçqından biri həyatını itirir
Bakı, 2 iyul, AZƏRTAC
BMT Ali komissarının Qaçqınların İşi üzrə İdarəsi Aralıq dənizini keçmək istəyən hər 45 qaçqından birinin boğularaq öldüyünü deyib.
AZƏRTAC xəbər verir ki, bu barədə “Rheinische Post” qəzeti idarənin Almaniyadakı nümayəndəsi Dominik Barça istinadla məlumat yayıb.
“2015-ci ildə hər 269, bir il sonra hər 71 qaçqın və mühacirdən biri Aralıq dənizini keçməyə çalışarkən həlak olub. Bu il isə hər 45 nəfərdən biri dənizdə boğularaq ölüb”, - deyə Dominik Barç bildirib.
BMT-nin məlumatına əsasən, ötən il 2277 nəfər, bu il isə 584 nəfər Avropaya keçməyə cəhd edərkən dənizdə bataraq həlak olub. Ümumilikdə isə 2015-ci ildən bəri Aralıq dənizində 14867 nəfər boğulub.
Bölmənin digər xəbərləri
