“ARAZ” FUTZAL KOMANDASI QARŞIDAKI YARIŞA CİDDİ HAZIRLAŞIR
Futzal üzrə UEFA kuboku uğrunda yarışların əsas mərhələsində Azərbaycan çempionu “Araz” komandasının mübarizə aparacağı qrupun oyunları Bakıda keçiriləcəkdir.
AZƏRTAC AFFA-nın saytına istinadla xəbər verir ki, artıq “Araz”ın ilkin heyəti açıqlanmışdır. Heyətə 16 futzalçı cəlb edilsə də, UEFA-ya göndəriləcək sifariş ərizəsində yalnız 14 futbolçunun adı yer alacaqdır.
“Araz”ın mübarizə aparacağı qrupun oyunlarını hakimlər-Yatsek Liqienza (Polşa), Petros Panaidis (Kipr), Sreten Vasiç (Serbiya) və Sergey Velikiy (Rusiya) idarə edəcəklər.
Komandamız sentyabrın 11-də İsveçin “Şkövde”, 12-də Bolqarıstanın “Nadin” və 14-də isə Slovakiyanın “Slov-Matik” komandaları ilə qarşılaşacaqdır.
Oyunlar Bakı İdman Sarayında keçiriləcəkdir.
Bölmənin digər xəbərləri
