“Araz-Naxçıvan”ın braziliyalı futbolçusu zədədən sonra fərdi məşqlərə başlayıb
Bakı, 9 sentyabr, AZƏRTAC
“Araz-Naxçıvan”ın bir müddətdir zədə səbəbindən oyunlarda iştirak etməyən futbolçusu Roman Maçadonun durumuna aydınlıq gəlib.
Klubdan AZƏRTAC-a bildirilib ki, 34 yaşlı oyunçu artıq fərdi məşqlərə başlayıb. O, fiziki hazırlıq üzrə məşqçi Teodor Terziyevin rəhbərliyi altında tapşırıqları yerinə yetirir.
Qeyd edək ki, Misli Premyer Liqasının IV turunda “Kəpəz”lə qarşılaşacaq muxtar respublika təmsilçisi hazırlığını Bakı Olimpiya Stadionunun ehtiyat meydanında davam etdirir. Sentyabrın 12-də Qəbələ şəhər stadionunda keçiriləcək “Kəpəz” – “Araz-Naxçıvan” görüşü saat 17:45-də başlayacaq.
Bölmənin digər xəbərləri
