AREA-nın direktoru BP şirkətinin nümayəndələri ilə görüşüb
Bakı, 4 may, AZƏRTAC
Bərpa Olunan Enerji Mənbələri Dövlət Agentliyinin (AREA) direktoru Cavid Abdullayev BP şirkətinin nümayəndələri ilə görüşüb.
AREA-nın mətbuat xidmətindən AZƏRTAC-a bildiriblər ki, agentliyin direktoru Cavid Abdullayev BP şirkəti ilə enerji sahəsində həyata keçirilən səmərəli əməkdaşlıq əlaqələrindən danışıb.
Görüşdə BP şirkəti ilə Cəbrayıl rayonunda həyata keçiriləcək 240 MVt gücündə “Şəfəq” günəş enerjisi layihəsinin mövcud vəziyyəti, əsas icra mərhələləri və gedişatı nəzərdən keçirilib. Həmçinin layihənin texniki və kommersiya məsələləri müzakirə olunub.
Hibrid formatda keçirilən görüşdə, həmçinin bərpaolunan enerji sahəsinin inkişafı istiqamətində mövcud əməkdaşlıq və perspektivlər müzakirə edilib.
Bölmənin digər xəbərləri
