DÜNYA
Aşağı Saksoniya postkarantin ictimai iaşənin ilk qaranquşudur
![Aşağı Saksoniya postkarantin ictimai iaşənin ilk qaranquşudur](/files/2020/2/1200x630/1588779368325312435_1200x630.jpg)
Berlin, 6 may, AZƏRTAC
AFR-də qüvvədə olan karantinin qismən yumşaldılması barədə məsələ hökumət səviyyəsində müzakirə olunur.
AZƏRTAC Almaniya KİV-lərinə istinadla bildirir ki, Aşağı Saksoniya federal əyaləti mayın 11-dən kafe və restoranların fəaliyyətinə icazə veriləcək ilk bölgə olacaq. Hələlik isə Almaniyada ictimai iaşə sahəsi çatdırma xidməti rejimində işləyir.
Bildirilir ki, Aşağı Saksoniyanın kafe və restoranlarında müsafirlər yeni qaydalara uyğun qəbul ediləcək. Masanı əvvəlcədən sifariş etmək lazım gələcək, çünki restoran və kafelərdə masaların yarısının dolmasına icazə veriləcək.
İctimai iaşə məkanlarının açılması üçün sanitariya-gigiyena normalarına ciddi riayət etmək lazım gələcək. Heyət məcburi qaydada maska taxmalı, müsafirlər dezinfeksiyaedici vasitələrlə təmin olunmalıdır.
Nə deməli, göründüyü kimi, çətinliklə də olsa, Almaniya "karantin yuxusu"ndan ayılmağa başlayır.
Vüqar Seyidov
AZƏRTAC-ın xüsusi müxbiri
Berlin