AVARÇƏKMƏ ÜZRƏ ÖLKƏ BİRİNCİLİYİ BAŞLAMIŞDIR
Azərbaycan Milli Avarçəkmə Federasiyasının (AMAF) mətbuat xidmətindən AZƏRTAC-a bildirmişlər ki, Mingəçevirdəki “Kür” Təlim-Tədris Mərkəzində yeniyetmələr arasında akademik, kayak və kanoe qayıqlarında avarçəkmə üzrə respublika birinciliyi başlamışdır.
Açılış mərasimində çıxış edən AMAF-ın vitse-prezidenti Natiq Abbasov və baş katib Fikrət Zeynalov ölkə birinciliyinin 2010-cu ildə Sinqapurda keçiriləcək Yeniyetmələrin I Yay Olimpiya oyunlarına hazırlaşacaq milli komandalarımızın formalaşdırılması məqsədi ilə təşkil olunduğunu bildirmişlər. Üç gün davam edəcək ölkə birinciliyində 1990-91-ci, 1992-93-cü və 1994-95-ci il təvəllüdlü idmançılar mübarizə aparırlar. Çempionatda ilk dəfədir ki, avarçəkən qızlar da iştirak edirlər. Yarışlarda akademik avarçəkmə növündə 5, kayak növündə isə 1 idmançı qız qüvvəsini sınayır.
Çempionatda ilk dəfə 7 klub və cəmiyyəti təmsil edən 120-dən çox idmançı mükafatlar uğrunda mübarizəyə qatılmışdır.
Bölmənin digər xəbərləri
