AVRASİYA DÖVLƏTLƏRİ ON BİRİNCİ İQTİSADİ SAMMİTİ BAŞA ÇATMIŞDIR
AZƏRTAC-ın xüsusi müxbiri xəbər verir ki, mayın 3-də İstanbul Ticarət Palatasında dünyanın 34 ölkəsindən gəlmiş nümayəndələrin iştirakı ilə Mərmərə Qrupu Strateji və Sosial Araşdırmalar Vəqfinin təşkil etdiyi Avrasiya Dövlətləri On Birinci İqtisadi Sammiti başa çatmışdır.
Üç gün davam edən Sammitin sonunda Azərbaycan Prezidentinin İcra Aparatının ictimai-siyasi məsələlər şöbəsinin müdiri Əli Həsənov çıxış etmişdir. Ə.Həsənov qeyd etmişdir ki, bu cür tədbirlər ölkələrimiz arasında regional əməkdaşlıqın güclənməsi, mədəniyyətlərarası dialoqun inkişafı, yeni iqtisadi layihələrin həyata keçirilməsi, Avrasiya məkanında sülhün və sabitliyin möhkəmləndirlməsi baxımından böyük əhəmiyyət kəsb edir.
Toplantının son günündə “2008 - Dünya dialoqu ili çərçivəsində sülh çağırışları” mövzusunda müzakirələrdə çıxış edən Türkiyənin dini işlər naziri Əli Bardakoğlu, dövlət naziri Said Yazıçıoğlu və başqaları qloballaşan dünyada insanların rifahının yüksəldilməsi, iqtisadi tərəqqinin davam etdirilməsi üçün sülhün və sabitliyin əhəmiyyətindən bəhs etmişlər.
Bölmənin digər xəbərləri
