Avrokomissiyanın prezidenti: Bərpaolunan enerjidən istifadəni daha da sürətləndirmək istəyirik
Roma, 26 oktyabr, AZƏRTAC
Avropada bərpaolunan enerji mənbələrindən istifadəni daha da sürətləndirmək istəyirik.
AZƏRTAC xəbər verir ki, bu sözləri Avropa Komissiyasının prezidenti Ursula Fon der Lyayen deyib.
Qlobal miqyasda enerji qiymətlərinin sürətlə artdığını bildirən Ursula Fon der Lyayen Avropanın hazırda neftin 97 faizini, kömürün 44 faizini və təbii qazın isə 90 faizini idxal etdiyini vurğulayıb: “Bu, qlobal enerji bazarlarında qiymət dalğalanmalarına qarşı bizim iqtisadiyyatımızı son dərəcə həssas edir”.
Son illərdə bərpaolunan mənbələrdən enerji istehsalının maya dəyərinin azaldığını qeyd edən Avrokomissiyanın prezidenti ənənəvi mənbələrdən alternativ enerjiyə keçidi sürətləndirməyin vacibliyini bildirib. Enerji sistemlərimiz Aİ-nin istixana qazı emissiyalarının 75 faizinə məsuliyyət daşıyır. Buna görə də Avropada dekarbonizasiyanı sürətləndirməliyik.
Nihad Budaqov
AZƏRTAC-ın xüsusi müxbiri
Roma
Bölmənin digər xəbərləri
