Avropa İttifaqının boru kəmərləri ilə təbii qaz idxalı azalıb
Roma, 18 sentyabr, AZƏRTAC
Cari ilin birinci yarısında Avropa İttifaqının (Aİ) boru kəmərləri ilə təbii qaz idxalı əvvəlki ilin müvafiq dövrünə nisbətən 9 faiz azalıb.
AZƏRTAC xəbər verir ki, buna əsas səbəb yanvar ayından etibarən Ukrayna üzərindən Rusiya qazının nəqlinin dayandırılmasıdır.
Yarım ildə Aİ boru kəmərləri və mayeləşdirilmiş təbii qaz (LNG) daxil olmaqla ümumilikdə 149,9 milyard kubmetr qaz idxal edib. Hesabat dövründə LNG idxalı 22 faiz artıb. Yanvar-iyun aylarında boru kəməri və LNG idxalı isə ötən ilin eyni dövrü ilə müqayisədə 3,4 faiz artıb.
Xatırladaq ki, Aİ ötən il Ukrayna vasitəsilə 15 milyard kubmetr Rusiya qazı idxal edib.
Nihad Budaqov
AZƏRTAC-ın xüsusi müxbiri
Roma
Bölmənin digər xəbərləri
