Avropa ötən il qaz istehlakını 10 faiz azaldıb
Bakı, 16 fevral, AZƏRTAC
Avropa 2022-ci ildə 480 milyard kubmetr qaz istehlak edib ki, bu da öncəki illə (535 milyard kubmetr) müqayisədə 10 faiz azdır.
AZƏRTAC xəbər verir ki, bu barədə maye qaz istehsalı sahəsində dünya bazarının nəhənglərindən biri - Böyük Britaniya və Niderlandın “Shell” kompaniyasının illik icmalında deyilir.
Bildirilir ki, qaza qənaət olunmasında 16 faizlik nəticə sənaye müəssisələrinin payına düşüb. Ötən il yüksək qiymətlər səbəbindən sənaye sahəsində qaz istehlakı 20,6 milyard kubmetr azalıb. Bundan başqa, ev təsərrüfatlarında qənaət 19,4 milyard kubmetr, kommersiya sektorunda 10 milyard kubmetr, elektrik enerjisi sahəsində 2,2 milyard kubmetr təşkil edib, nəqliyyatda isə istehlak 0,2 milyard kubmetr artıb.
Bölmənin digər xəbərləri
